Трансплантацијата на матични клетки може да им помогне на некои пациенти со агресивна форма на мултиплекс склероза кај кои стандарданата терпија била неуспешна, укажува нова студија. Во истражувањето учествувале 110 пациенти со агресивна мултиплекс склериза, кај кои последната година, два пати дошло до влошување на болеста и покрај стандардната терапија. Овие испитаници во просек биле лекувани со три лека.
Основната идеја на трансплатнацијата на матичните клетки е повторно покренување на имуниот систем и спречување на нападите.
Во ова истражување, на половина пациенти им биле извадени и складирани клетки на коскена срж. Потоа пациентите неколку дена биле подложени на хемотерапија со цел да им се уништи постоечкиот имун систем. По тоа, зачуваните матични клетки биле внесени назад во телото, каде со тек на времето, имуниот систем повторно се изградил. Другата половина пациенти повторно била лекувани со лекови од стандардната терапија, кои може да ја забават, но не и да ја стопираат прогресијата на мултиплекс склерозата.
По три години следење, мултиплекс склерозата напредувала кај 3 од 55 пациенти кај кои била направена трансплантација на матични клетки. Додека кај пациентите кои добивале лекови, болеста напредувала кај 34 од 55 пациенти.
Иако резултатите се импресивни, стручњаците велат дека само мал број на пациенти со мултиплекс склероза може да бидат кандидати за трансплантација на матични клетки.
