НЕВРОЛОЗИТЕ СОВЕТУВААТ: Пет знаци кои укажуваат на мини мозочен удар

“ТИА (транзиторна исхемична атака) и мозочен удар може да погодат било кој. 2009 година, 34 проценти од луѓето хоспитализирани поради мозочен удар биле помлади од 65 години“, вели неврологот д-р Анита Мехта. 

Според Центарот за контрола и превенција на болести, секои 40 секунди некој во САД доживува мозочен удар. Постои заблуда дека минливиот исхемичен напад може да се им се случи само на возрасните лица.

“ТИА (транзиторна исхемична атака) и мозочен удар може да погодат било кој. 2009 година, 34 проценти од луѓето хоспитализирани поради мозочен удар биле помлади од 65 години“, вели неврологот д-р Анита Мехта.

Според експертите, ова се знаци на мини мозочен удар.

Проблеми со видот

Потешкотиите со видот на едното или на двете очи може да бидат знак за транзиторна исхемична атака. Привременото губење на видот може да биде знак за заканувачки, престоен мозочен удар, како и мозочен удар кој веќе се случил и бара итна медицинска помош.

Компликациите со видот предизвикани од мозочен удар зависат од тоа каде се случил ударот. Повеќето мозочни удари влијаат на едната страна од мозокот. Ако десниот окципитален лобус е повреден, левото видно поле во секое око може да биде засегнато. Мозочниот удар што го зафаќа левиот окципитален лобус може да го наруши десното видно поле во секое око.

Вкочанетост и опуштено лице

Вкочанетоста поврзана со мини-мозочен удар обично се чувствува на едната страна од телото. Може да почувствувате мускулна слабост, парализа или промени во осетот, како и да имате впечаток дека вашето лице е опуштено.

Вртоглавица

Намаленото снабдување со крв во мозокот може да предизвика вртоглавица и никогаш не смее да се занемари.

ТИА е краток прекин на протокот на крв во дел од мозокот, ‘рбетниот мозок или мрежницата, што може да предизвика привремени симптоми слични на мозочен удар, но не ги оштетува мозочните клетки ниту предизвикува траен инвалидитет. ТИА често е ран предупредувачки знак дека лицето има ризик од мозочен удар.

Едно од три лица кои доживуваат ТИА, исто така искусуваат последователен мозочен удар. Ризикот од мозочен удар е особено висок во рок од 48 часа по ТИА. Симптомите обично траат само неколку минути, но може да се чувствуваат и до 24 часа.

Потешкотии во говорот

Потешкотиите со говорот или разбирањето на говорот може да бидат знак за ТИА. Неврологот Брет Кукиара вели дека “опуштено лице, вкочанета рака или нејасен говор се знаци на ТИА или мозочен удар, а навременото лекување е клучно“.

Слабост

На крајот, може да почувствувате потешкотии при одењето, мускулна слабост, проблеми со координацијата или слабост на едната страна од телото.

Откако ќе се открие основната причина за ТИА, лекарите можат да ја одредат најдобрата стратегија за да спречат иден мозочен удар. Во некои случаи, лекувањето може да вклучува земање лекови кои ја намалуваат веројатноста може да биде неопходен оперативен зафат за отворање на запушените артерии и отстранување на масните наслаги.