Американските истражувачи велат дека опасните честичките од димот од цигарите се задржуваат на облеката, мебелот, завесите и теписите, и можат повторно да се најдат во воздухот кој го дишеме, а може да се рашири и по останатите простории преку вентилацискиот систем. За разлика од активното и пасивното пушење (пушење од втора рака), доказите за штетност на пушењето од трета рака не се детално испитани, па научниците повикуваат на дополнителни истражувања.
Лабораториските тестови покажуваат дека индиректното изложување на остатоците од чадот, присутни на кожата, облеката или мебелот, кај глувци може да предизвика намалување на имунитетот. Научниците предупредуваат и на штетноста на честичките од чадот заостанати во мебелот за бебињата или многу малите деца кои спијат на кревети кои биле изложени на чад од цигари.
Неодамнешно истражување објавено во списанието “Science Advances”, предупредува на тоа дека честичките од никотинот од мебелот, повторно може да се најдат во воздухот и да се прошират низ целата просторија. Истото ова важи и за електронските цигари, затоа што и тие содржат никотин.
“Во просториите во кои некое време не се пуши, пронајдовме честички од чадот од цигарите во 29% од вкупната маса на воздухот. Тоа е важно откритие и се отвора прашање како толку многу честички може да се најдат во вентилаторите, просторите каде што не се пушти“, вели д-р Анита Ејвери од Универзитетот “Drexel” во Филаделфија.
Експеримент
Научниците користеле два контејнери, од кои едниот го наполниле со чад од цигари, а после темелно го проветриле. Следниот ден, го филтрирале воздухот на начин како што го прават вентилациските системи во зградите и откриле дека во оној контејнер кој бил исполнет со чад, иако темелно го проветриле, количината на честички била за 13% повисока.
Голема опасност
“Многу јавни институции забраниле пушење. Но, тие забрани ги штитат луѓето само од пушењето од втора рака, но не и од пушењето од трета рака, односно честичките заостанати во мебелот и на површините. Студиите покажуваат дека таквата форма на загадување со честичките од чадот од цигарите, потенцијално е поопасен од пасивното пушење, бидејќи е невозможно да се избегне“, вели д-р Мајкл Ванг од универзитетот “Drexel”.
Ризик од рак
Нил Томас професор по епидемиологија на Универзитетот Бирмингерн, вели дека изложеноста на честичките од чадот од цигари од мебелот го зголемува ризикот од развој на рак. Се препоставува дека еден од 1.000 луѓе изложени на честички ќе заболат од рак.
Загрозени деца
Истражувањата покажале дека децата се почувствителни на изложеност на честички од чадот од цигари, како и дека тие може да се најдат на многу места. Честичките се најдени дури и во инкубаторите во болниците и тоа благодарение на системите за вентилација.
