Носителите на оваа крвна група живеат најдолго и имаат најсилен имунитет!

Се повеќе сознанија откриваат дека крвната група навистина има големо влијание врз целокупното здравје.

Отпорноста на организмот на бактерии, инфекции и различни болести ја одредуваат многу фактори, меѓу другото и крвните групи. Носителите на одделни крвни групи имаат поголеми шанси да се изборат со нападите врз својот организам, а во таа смисла најдобро поминале носителите на крвната група 0.

Имено, долгорочните студии покажале дека крвната група 0 е најсилна меѓу сите видови крв. Докажано е дека носителите на оваа крвна група се поотпорни и имаат помал ризик од развој на кардиоваскуларни болести, како и мозочен и срцев удар, ретко патат од болести врзани за памтењето, а докажано е и дека во најмала мера можат да заболат од рак на желудникот и панкреасот.

Заради отпорноста на организмот на болести луѓето кои имаат крвна група 0, во споредба со другите живеат најдолго.

Една од најбитните причини често е фактот дека крвната група 0 содржи помалку молекули кои предизвикуваат згрутчување на крвта, а мозочниот и срцевиот удар ги предизвикува токму лошата коагулација на крвта. Она што е добро за срцето, исто така, е добро и за мозокот, затоа што бројни фактори на ризик кои ги предизвикуваат кардиоваскуларните болести се слични со ризиците од настанување ментални болести.

Што се однесува, пак, до прашањето која крвна група е „најслаба“ тоа е дефинитивно тешко да се одреди, иако стручњаците велат дека во прашање е крвната група А, со оглед на тоа дека носителите на оваа крвна група се помалку отпорни на маларија.

Според тоа може да се каже дека крвната група А е послаба од останатите.