Нов генетски тест предвидува ризик од пет сериозни болести

Американските научници развиле генетски тест кој открива кој има висок ризик за развој на коронарна срцева болест, атријална фибрилација, дијабетес тип 2, воспалителни болести на цревата и рак на дојка

Новиот вид на генетска анализа би можел да помогне да се откријат лица кои се изложени на висок ризик за пет сериозни и чести болести. Имено, американските научници развиле генетски тест кој открива кој има висок ризик за развој на коронарна срцева болест, атријална фибрилација, дијабетес тип 2, воспалителни болести на цревата и рак на дојка.

Генетската анализа би можела да помогне во проценка на веројатноста за развој на болестите долго време пред да се појават првите симптоми, што би можело да обезбеди рана превенција или нивно лекување

Според мислењето на американските научници од Broad Institute of MIT and Harvard, Massachusetts General Hospital (MGH) и Harvard Medical School, споменатата генетска анализа би можела да помогне во проценка на веројатноста за развој на наведените болести долго време пред да се појават првите симптоми, што би можело да обезбеди рана превенција или лекување на наведените болести.

Исто така, мислењата се дека овој пристап треба што побрзо да се разгледа за употреба во клиничка пракса и да се примени генетското тестирање во време уште по раѓањето, пишува „Nature Genetics“.