Научници развиле крвен тест кој би можел успешно да открие до 50 видови на карцином, а некои од тие откритија може да бидат и пред појавата на симптоми на карциномот. Се смета дека новиот тест исто така може да им помогне на лекарите да го откријат потеклото и изворот на ракот внатре во телото.
Овој нов тест има 0,7 проценти лажно позитивни резултати, и наскоро може да биде дел од скрининг програмите во многу земји.
Исто така, се покажало сека специфичноста на тестот за откривање на потеклото на ткивото, била 99,3 проценти.
Овој тест е наречен целна анализа на метилација на слободно циркулирачката ДНК.
Кај 12 видови карцином – рак на анусот, рак на мочниот меур, рак на дебелото црево, рак на хранопроводот, рак на главата и на вратот, рак на црниот дроб, жолчка, рак на белите дробови, лимфом, рак на јајчниците, рак на панкреасот, мултипен миелом и рак на желудикот, способноста за правилно откривање на ракот со помош на новиот тест била 67,3 проценти за рак во почетен стадиум – прв стадиум
За сите видови на карциноми чувствителноста изнесувала 43,9 проценти за почетните стадиуми. Со порастот на стадиумот се зголемувала и успешноста на детектирањето на карциномот.
