НОВА БРИТАНСКА СТУДИЈА: Поранешни КОВИД пациенти повторно се изложуваат на коронавирус за да се испита траењето на имунитетот

Студијата која почна вчера се разликува од таа во февруари, оти целта и е да се утврди дали лицата кои прележале КОВИД-19 повторно ќе се заразат со вирусот за да се продлабочат сознанијата за имунитетот.

Британските научници вчера покренаа тестирања во рамките на кои, поранешни КОВИД пациенти намерно повторно ќе се изложат на коронавирус, за да на тој начин ја испитаат нивната имунолошка реакција и да утврдат дали доброволците повторно ќе се заразат.

Во февруари Велика Британија стана прва земја во светот која даде зелено светло за спроведување на т.н.  “Human Challengе”, проект во кој доброволци намерно ќе се изложат на КОВИД-19, за да се унапреди истражувањето на болеста предизвикана од новиот коронавирус.

Станува збор за контролирано испитување на инфекции на луѓе и е вид на клиничко испитување за вакцини или друг лек кој вклучува намерно изложување на испитаниците на болеста што се истражува.

Студијата која почна вчера се разликува од таа во февруари, оти целта и е да се утврди дали лицата кои прележале КОВИД-19 повторно ќе се заразат со вирусот за да се продлабочат сознанијата за имунитетот.

Научниците сметаат дека е пефикасно да се изложат поранешни ковид пациенти на коронавирусот, отколку со него намерно да се инфицираат лица кои не ја прележале болеста.

“Податоците што ќе ги добиеме од ова истражување ќе ни овозможат да развиеме поквалитетна вакцина и поефикасни начини за лекување на оваа болест. Во исто време, тоа ќе ни помогне да откриеме дали луѓето се заштитени по прележување на КОВИД-19 и ако се, колку  долго “, објаснува имунологот Хелен Мекшејн., раководител на истражувањето на Универзитетот во Оксфорд.

Таа додава дека истражувањето ќе им помогне на научниците да сфатат каква имунолошка реакција штити од повторна зараза со вирусот.

Во првата фаза, на половина од волонтерите ќе им биде инјектирана најмалата доза на вакцина против коронавирус потребна за вирусот да се реплицира. Научниците очекуваат дека постапката ќе резултира со благи симптоми или тие дат комплетно ќе изостанат.

Во втората фаза, која ќе започне ова лето, со стандардна доза на вакцината ќе се инфицираат останатите доброволци.

Во студијата учествуваат 64 здрави доброволци на возраст од 18 до 30 години, кои биле заразени со коронавирус пред најмалку три месеци и сега ќе бидат повторно инфицирани со оригиналниот вид SARS-CoV-2.