Според резултатите на нова студија, консумирањето едно авокадо дневно може да помогне во одржување на нивото на ЛДЛ во границите на нормала. Имено, лицата со прекумерна телесна тежина и обезност кои внесувале едно авокадо дневно, имале пониски нивоа на ЛДЛ, познат уште и како “лош“ холестерол.
До значајно намалување на нивото на ЛДЛ дошло по пет недели консумирање авокадо. Исто така, воочено е и зголемување на нивото на антиоксидантот лутеин.
Зголеменото ниво на ЛДЛ е поврзано со создавање на атеросклерозен плак (наслаги) во крвните садови.
Треба да се спомене дека авокадото е богато со здрави масти, каротеноиди кои се важни за здравјето на очите, како и со други хранливи материи.
