Се чини дека токму кај алергичните лица е помала шансата да се заразат со SARS-CoV-2 вирусот, наведува нова студија. Резултатите од студијата се објавени во списанието Journal of Allergy and Clinical Immunology и таа открива дека алергијата на храна, состојба што влијае на животите на голем број луѓе, може да биде фактор кој ќе ги намали шансите да лицето се разболи од КОВИД-19 и тоа за 50 отсто.
“Генерално гледајќи, кога набљудувате како комплексната инфективна болест делува, секогаш постои дел од популацијата што е помалку подложна на таа болест“, појаснува авторот на студијата, д-р Макс Зајболд.
Студијата утврдила и дека лицата со астма, за кои претходно се сметаше дека имаат зголемен ризик од КОВИД, сепак не се во групата која што прва ќе го добие вирусот.
Иако се потребни повеќе истражувања за да се потврдат овие резултати, д-р Зајболд смета дека тие можат да понудат малку утеха на луѓето кои до денес не знаеа дали се во ризична група.
АЛЕРГИИТЕ НА ХРАНА ГО НАМАЛУВААТ РИЗИКОТ ОД КОВИД НА ПОЛОВИНА?
Истражувањето опфатило 4.000 луѓе и 1.400 домаќинства, а во секое најмалку по едно лице било помладо од 21 година, а половина од испитаниците имале некаков вид на алергија. Тие биле тестирани секоја недела, а истражувањата потврдиле дека лицата кои се алергични на храна имаат 50 отсто помали шанси да заболат од оваа болест. Се разбира, не е јасно како алергиите на храна се поврзани со овој заклучок, но можеби се работи за тоа дека овие луѓе почесто јадат дома отколку во ресторани, што значи дека се помалку изложени. Но, тоа е само теорија.
Д-р Зајболд смета дека ова може да има врска со ACE2 рецепторите, протеини кои се наоѓаат на некои клетки и нудат влез на вирусот во организмот. Тој забележал дека одредени воспаленија се вообичаени кај лицата кои имаат алергии, но и го намалуваат нивото на ACE2, што ќе го намали ризикот од инфекција. “Ова ќе ги намали шансите вирусот да влезе во организмот и тоа сега го проучуваме тоа“, додава тој.
СЕПАК Е ПОТРЕБНА ЗАШТИТА
Важно е да се додаде дека овие истражувања не кажуваат дека не треба да внимавате затоа што сте целосно заштитени. Значи, не се работи за комплетна заштита и потребно е и понатаму миење на рацете и во некои ситуации носење заштитна маска.
Стручњаците сметаат дека резултатите од оваа студија не укажуваат дека лицата кои имаат алергија на храна се целосно заштитени од КОВИД. Тие додаваат дека всушност и тие, како и сите, треба да се вакцинираат и да се придржуваат од останатите мерки на заштита.
