НОВА СТУДИЈА: Возрасните не ги знаат знаците на рак на панкреасот

Симптомите на ракот на панкреасот се нејасни и може да се помешаат со многу други абдоминални или гастроинтестинални проблеми.

Според резултатите од студија во која учествувале 1.045 испитаници, поголемиот дел возрасни лица, 83 проценти од нив, не се свесни за знаците или симптомите на рак на панкреасот. Инаку, симптомите на ракот на панкреасот се нејасни и може да се помешаат со многу други абдоминални или гастроинтестинални проблеми.

Ракот на панкреас е третата водечка причина за смрт од рак и е на пат да стане втора водечка причина. Стапката на петгодишно преживување е само 11%.

Болеста обично се дијагностицира доцна кога ќе се прошири. Без стандарден тест за рано откривање, важно е да се препознаат вообичаените знаци и симптоми, особено за оние лица со семејна историја и други фактори на ризик од болеста. Ова може да доведе до порана дијагноза, обезбедувајќи повеќе опции за третман, како што е операцијата.