НОВИ КОМПЛИКАЦИИ КАКО ПОСЛЕДИЦА ОД КОВИД-19: На секој трет потешко заболен му паѓа косата, дел доживуваат инфаркт, страдаат бубрезите, црниот дроб и помнењето

Лекарите забележуваат дека пост-ковид  синдромот предизвикува носи компликации и изискува понатамошно лекување.

Над 50 проценти од пациентите кои прележале КОВИД-19, последиците по своето здравје и тоа како добро ги чувствуваат и тоа многу долго.

Лекарите забележуваат дека пост-ковид синдромот се почесто предизвикува нови компликации и бара понатамошно лекување. Болка во градите, отежнато дишење (краток здив) и сува кашлица се само некои од проблемите.

Значи од бубрези, срце, црн дроб, хепатални нарушувања, несоница, заборавеност, пречки во слухот. Накусо, сè. Коронавирусот влијае на се. На секој дел од телото. Изразено често, од 30 до 60 проценти гледаме опаање на косата кај болните. Би се осмелил да кажам дека тоа е околу една третина од пациентите, но треба да се каже дека тоа се оние кои се на болничко лекување, што значи се со потешка форма на болеста“, вели д-р Џиво Љубичиќ од Клиничката болница Дубрава во Загреб.

По големата направена анализа на сите пациенти од вториот бран згрижени во оваа, една од најголемите болници во Загреб, конечно е малку јасно и како коронавирусот влијае на срцето, објаснуваат оттаму.

Од средината на октомври до средината на февруари во оваа институција вкупно се лекувале 3343 ковид пациенти, а од нив, 56 имале инфаркт. Тоа е помеѓу 1.7 проценти.

“Нема да кажам дека КОВИД-19 предизвикува инфаркт, но кај лице со склоности, може да поттикне инфаркт на срцето“, вели кардиологот Ирзал Хаџибеговиќ, автор на истражувањето.

“Тешко е да кажам во кој процент е тоа, но од овие пациенти кои ги лекувавме, една четвртина развија инфаркт додека ги лекувавме од потешка форма на болеста КОВИД-19. Она кое не го најдовме е дека ковидот е единствената причина. Од типот да некој имал мазни крвни садови, па КОВИД-19, па инфаркт, тоа не. Можеби само еден, но сите останати имаа болни крвни садови“, објаснува докторот.

Д-р Хаџибеговиќ забележува дека секаде граѓаните се премногу опуштени и се надева дека со деталното опишување на сите последици што ги носи КОВИД-19, барем некои ќе сфатат дека епидемијата се уште и тоа како е опасна.