Американскиот центар за контрола и превенција на болести на официјалната листа на симптоми на КОВИД-19 додаде уште три:
- Течење на нос или затнат нос
- Мачнина
- Дијареа
Покрај овие додадените, на списокот на симптоми претходно се наоѓаа:
- Зголемена телесна температура
- Кашлица
- Краток здив или потешкотии со дишењето
- Нагло губење на сетилото за мирис или вкус
- Замор
- Болки во мускулите
- Главоболка
- Болка во грлото
- Повраќање
Стручњаците истакнуваат дека голем проблем е тоа што овие симптоми не се специфични само за КОВИД-19, туку и за бројни други здравствени проблеми, како настинка, грип, алергиска реакција. Имајќи го ова предвид, немојте сами себе да си поставувате дијагноза на коронавирус штом ви протече нос, туку консултирајте се со својот матичен лекар за понатамошни инструкции.
Од друга страна, бидете свесни дека што немате никакви симптоми повторно не значи дека 100 процентно не сте заразени – голем е бројот на асимптоматски случаи, затоа е важно во затворен простор да носите заштитна маска и да одржувате физичко растојание, со цел да се спречи ширењето на вирусот.
