Американската агенција за храна и лекови (ФДА) го преупреди медицинскиот и лабораторискиот персонал дека генетските мутации на коронавирусот, вклучувајќи ја и варијантата В.1.1.7 откриена во Велика Британија, може да доведат до лажно негативни резултати на молекуларните тестови (ПЦР) при тестирање на КОВИД-19.
ПЦР тестот е молекуларна постапка која се темели на докажување на присутност на вирусната РНК на молекулите.
Агенцијата го предупреди персоналот во клиничките лаборатории и давателите на здравствени услуги на можни лажно негативни резултати на било кој ПЦР тест и ги повика внимателно да ги разгледаат таквите резултати во комбинација со клиничките симптоми и да го повторат испитувањето, но со некој друг тест, ако и натаму се сомневаат на КОВИД-19.
Лажно негативен резултат може да се случи при било кој ПЦР тест ако мутацијата се случила во делот на неговиот геном што тестот го испитува, предупредува ФДА, додавајќи сепак дека опасноста од тоа да ваквите мутации влијаат на севкупната точност на тестирањето е ниска.
Агенцијата забележала дека со анализа е утврдено дека на резултатите од трите тестови на коронавирус кои добиле одобрување за итна употреба во САД, може да влијаат генетските мутации на коронавирусот, но се чини дека тоа влијание не е од големо значење.
Стивен Хан од ФДА истакнува дека Агенцијата и натаму ќе продолжи со надзор на генетските мутации на коронавирусот како би се гарантирало дека сите досега одобрени тестови даваат точни резултати.
