Неревидирана студија спроведена на над 84.000 лица, предводена од Адам Хемпшир, лекар од Империјал колеџот во Лондон, открила дека во некои тешки случаи, инфекцијата со новиот коронавирус со месеци е поврзана со значајни когнитивни дефицити.
“Нашите анализи се совпаѓаат со ставот дека постојат хронични когнитивни последици од КОВИД-19“, напишале истражувачите во извештајот.
“Луѓето кои се опоравиле, вклучувајќи ги и оние кои веќе не пријавуваат симптоми, покажале значаен когнитивен дефицит или когнитивно пропаѓање“, појаснуваат истражувачите.
Когнитивните тестови мерат колку добро мозокот ги извршува задачите – како помнење на зборови или спојување точки на сложувалка. Таквите тестови насекаде се користат за проценка на перформансите на мозокот кај болести како Алцхајмерова болест, а исто така може да им помогнат на лекарите во проценка на привремените оштетувања на мозокот.
Тимот на д-р Хемпшир анализирал резултати од 84.285 лица, а резултатите кои допрва треба да ги анализираат други стручњаци се објавени на MedRxiv.
Когнитивниот дефицит била значаен, особено меѓу луѓето кои биле хоспитализирани со КОВИД-19, велат истражувачите, а најлошите случаи покажале ефекти “еквивалентни на просечен десетгодишен пад на перформансите“.
Научници, кои не биле директно вклучени во истражувањето, сепак велат дека неговите резултати треба да се гледаат со одредена претпазливост.
