Обдукциите после ковид покажале дека вирусот се шири по сите витални органи

Во еден од случаите, остатоци од новиот коронавирус биле пронајдени во мозокот на починат пациент 230 дена откако лицето првпат почнало да чувствува симптоми, пренесува ScienceAlert.

КОВИД-19 се дефинира како респираторна инфекција, но ефектите од новиот коронавирус не се ограничени на еден орган. Обдукциите што се прават на починатите од овој вирус укажуваат на негово постоење во целото тело, вклучувајќи ги белите дробови, срцето, слезината, бубрезите, црниот дроб, дебелото црево, градите, мускулите, нервите, репродуктивниот тракт, окото, но и мозокот.

Во еден од случаите, остатоци од новиот коронавирус биле пронајдени во мозокот на починат пациент 230 дена откако лицето првпат почнало да чувствува симптоми, пренесува Science Alert.

“Нашите податоци покажуваат дека кај некои пациенти, ковидот може да предизвика системска инфекција и да расте во телото со месеци“, заклучуваат авторите на студијата, предводени од истражувачите од Националниот институт за здравје на САД (НИХ).

Во минатото, обдукциите на оние кои се заразиле со корона покажувале прелиминарни знаци на ширење на повеќе органи, со генетски остатоци од вирусот кои се појавувале во безброј ткива, органи и течности.

Во јули 2020 година, понатамошните аутопсии покажале докази за згрутчувања на крвта во речиси сите витални органи на оние кои се заразиле со КОВИД-19. Новото истражување на НИХ сега ги реплицира и потврдува овие резултати подетално од кога било досега.

Истражувачите сугерираат дека нивните најнови откритија се најсеопфатната анализа досега за клеточната постојаност на короната во човечкото тело.

Студијата вклучувала 44 обдукции, во кои истражувачите внимателно го откриле и квантифицирале нивото на информациската РНК од Ковид на 85 локации и течности. Овие генетски информации укажуваат на тоа каде вирусот можел да се размножи во текот на животот на една личност.

Во аутопсиите извршени од април 2020 до март 2021 година, истражувачите откриле дека постарите, невакцинирани лица кои починале од Ковид покажувале изобилство знаци на репликација на корона на вкупно 79 локации и телесни течности.