Од поинаков агол: Месецот на раѓање предупредува на одредени заболувања

Луѓето родени во летните месеци имаат најмал ризик од рак и срцеви заболувања

Иако можеби не звучи премногу реално, голем број на студии го поврзуваат месецот на раѓање со состојбата на здравјето на една личност, животниот век, па дури и почетокот на пубертетот. Интересно е дека луѓето родени во летните месеци имаат најмал ризик од рак и срцеви заболувања, а зимските бебиња имаат најголема склоност кон невролошки и психијатриски нарушувања.

Јануари

Луѓето родени во јануари најчесто страдаат од притисок, а заболуваат и од рак на белите дробови и срцеви болести. Кај нив двапати почесто се јавува дијабетес тип 2. Голем број на студии покажале дека луѓето родени во овој месец, како и оние кои се родени во декември, имаат тенденција кон депресија и шизофренија, што се должи на недостатокот на витамин Д поради зимските месеци во кои се родени. Утешно е што овие луѓе имаат долг животен век.

Февруари

Послаб имунолошки систем е слабост на луѓето родени во месецот на љубовта и виното. Исто така, лицата родени во февруари може да страдаат од алергии, рак на белите дробови и рак на простата. Интересно, но нив ретко ги касаат инсекти.

Март

Луѓето родени во март често страдаат од ангина пекторис, а кај жените е присутна егзема, како и прекумерна дебелина и анорексија. Слаба точка на лицата родени во почетокот на пролетта е срцевата слабост, а не се поштедени ниту од рак на простата. Подеднакво страдаат и од алергија.

Зимските бебиња имаат најголема склоност кон невролошки и психијатриски нарушувања

Април

Лицата родени во април имаат поголем ризик за развој на рак и кај нив често се јавуваат срцеви заболувања и заболувања на дишните органи, а страдаат и од бронхитис и имаат песимистички поглед на светот. Склони се кон често консумирање алкохол

 

Мај

Луѓето родени во овој месец поретко заболуваат од другите, а склоноста да развијат рак е многу мала. Но луѓето родени во мај имаат зголемен ризик од мултиплекс склероза и висок крвен притисок. Исто така, во својата старост, стануваат депресивни и стапката на самоубиства меѓу нив е поголема за дури 17 отсто отколку кај луѓето родени во кој било друг месец.

Јуни

Анорексијата е една од болестите што често ги погодува луѓето родени во јуни. Поконкретно, тие имаат склоност кон оваа болест за 30 отсто повисока од просекот, но потребно е да се спомене и високиот ризик од дијабетес и болести на срцето. Сепак, овие луѓе не се разболуваат често од рак, важат за големи оптимисти и имаат светол поглед на животот.

Јули

Системот за варење, забите и коските, најчесто страдаат кај луѓето родени во јули, а интересно е дека овие лица имаат и помалку деца од другите. Тие имаат најнизок ризик од мозочен и срцев удар и ретко заболуваат од рак.

Август

Луѓето кои се родени во овој месец се борат со алергии на прашина и грини, а често заболуваат и од конјуктивитис, но имаат здраво срце и намалена склоност кон срцеви удари и ретко се разболуваат.

Септември

Родените во септември најчесто страдаат од дијабетес, срцеви заболувања или воспаление на крајниците, имаат проблеми со респираторниот систем и алергии.

Октомври

Родените во октомври страдаат од речиси сите болести: од остеопороза до проблеми со забите, а далеку над просекот заболуваат и од астма, имаат проблеми со вените и воспаление на дишните органи. Но и покрај се, имаат долг животен век.

Ноември

Невролошките заболувања, бронхитис, вирози и нарушувања во вниманието се болестите од кои страдаат луѓето родени во ноември. Прекумерната тежина, дијабетес и срцеви заболувања ретко ги има кај нив.

Декември

Луѓето родени во овој месец се повеќе склони кон фрактури, а честопати страдаат од манична депресија, но нивниот животен век е над просекот.