Светската здравствена организација советува како да се заштитите од грип. Секој може да преземе мерки кои се едноставни, а ќе ви ги зголемат шансите да ја одбегнете заразата.
Редовно мијте ги рацете
Чистите раце чуваат од многу инфкеции, вклучително и грип. Редовното миење раце е најлесен начин да останете здрави. Рацете мијте ги со сапун и вода и после тоа добро исушете ги со пешкир.
Одбегнувајте да ги допирате очите, носот и устата
Бактериите во вашето тело најверојатно ќе влезат преку очите, носот и устата. Иако не можете да контролирате се што ќе вдишете, сепак можете да го намалите ризикот од инфекција така што рацете ќе ги држите подалеку од лицето. Ако веќе морате да ги допирате очите, носот и устата, тоа правете го со чисто марамче или откако ќе ги измиете рацете.
Одбегнувајте болни луѓе
Грипот е заразен и лесно се шири во просториите во кои е голема гужва, како не пример, јавен превоз, школи, канцеларии и сл. Кога заразената личност кашла капките ос вирусот летаат дури и метар и подалеку, па може да го заразат секој што ќе ги вдише.
Ако не се чувствувате добро, останете дома
Ако имате грип, инетракцијата со другите само ќе значи поголем ризик дека ќе ја раширите заразата. Тоа е особено точно за оние кои боледуваат од хронични состојби како рак, болести на срцето или ХИВ. Ако се изолирате додека сте болни, некому можете да спасите живот.
