Одбегнувајте ја оваа навика ако сакате да имате здрави стапала

Влагата, топлината и бактериите се задржуваат во внатрешноста на чевлите, а тоа како последица може да има појава на непријатни мириси...

Доколку имате обичај и во лето да носите затворени обувки одбегнувајте таквите чевли да ги носите на боса нога. Имено, оваа навика поттикната од многубројните трендови го зголемува ризикот од габични инфекции на стапалата.

Дали знаете дека стапалата со потењето во просек на дневно ниво трошат по околу 200 мл течност?! 

Дури и ако носите чевли од природни материјали повеќето обувки се поставени со синтетички материјали кои не се прозрачни. Заради тоа влагата, топлината и бактериите се задржуваат во внатрешноста на чевлите, а тоа како последица може да има појава на непријатни мириси.

Што е уште полошо влагата и топлината меѓудругото го зголемуваат и ризикот од појава на атлетстко стапало, чести и заразни габични инфекции кои најчесто ја зафаќаат кожата меѓу прстите, но и кожата на табаните, како и ноктите.

Ако не можете да се откажете од оваа навика, барем обидете се да се придржувате до некои основни совети: 

Одбегнувајте да носите исти чевли секој ден.

– За да го забрзате сушењето на внатрешноста на чевлите можете по следното собување во нив да ставите суви ќесички чај кои ќе ја впијат влагата.   

– После носењето на чевлите на боса нога добро измијте ги и исушете стапалата.

– Со нанесување пудра или антиперспирант на стапалата, исто така, можете да го намалите потењето.