Одредени симптоми се причина за аларм: Може ли обичната настинка да го убие човекот?

Шпанскиот грип во 1918 година усмртил околу 50 милиони луѓе, што е повеќе од бројот на загинати во Првата светска војна

Настинката ја следат неколку познати симптоми – кашлање, кивање, течење на носот и висока температура. Иако е мошне слична на грипот, станува збор за потполно поинаква инфекција. Околу половината од сите настинки ги предизвикува риновирус. Респираторен вирус, адеонвирус и вирус параинфуленца се, исто така, причинители на симптомите на настинка.

Обичната настинка не е сериозна болест и се лекува со мирување кое трае неколку дена. Инфекцијата со риновирус или некој друг вирус кој напаѓа одделни органи, носи огромна опасност во одделни случаи. Компликациите како резултат на настинка кај пациентите со ослабен имунитет може да доведат до смрт.

Студии покажале дека на пациентите на кои им е пресадена коскена срж им се заканува поголема опасност од болести на респираторните органи. Аденовирусот е опасен за целиот организам, а често ги напаѓа органите за варење, уринарниот тракт и црниот дроб. Останатите вируси предизвикуваат посилни воспаленија на белите дробови, а тука се и посебно сериозните состојби како бактериски воспаленија на белите дробови.

Бактериската инфекција е една од најсериозните облици на настинка. Научниците се уште проучуваат како вирусот влијае на ширењето бактерии. Познато е дека риновирусот го зголемува присуството на ПАФ-р рецептори во клетките на белите дробови. Тоа им овозможува на бактериите како што е стрептококата полесно да се врзат за белодробните клетки, пишува „The Conversation”.

Поголем ризик кај одделни личности

Различни симптоми укажуваат на настинка, а се менуваат во зависност од возраста на пациентите. Кај постарите лица силните настинки се со смртна опасност. Пушачите, исто така, се изложени на поголем ризик и посериозни симптоми. Другата група луѓе на кои настинката може да им го загрози животот се лицата со хронични заболувања на белите дробови. Пациентите кои боледуваат од астма, цистична фиброза и опструктивна болест на белите дробови мораат посебно да водат сметка за своето здравје.

Бактериската инфекција кај овие пациенти најчесто се лекува со антибиотици. Против болеста која ја предизвикал риновирус нема ефикасно антивирусно лекување. Најдобра превентива против грипот е вакцината, па им се препорачува на астмачиратите, децата и постарите лица.

Не постои ниту еден фактор кој може да влијае на тежината на настината, но симптомите кои сите добро ги знаеме секогаш се причина за внимание.