ОГРОМЕН БРОЈ ВИРУСИ ЧУДНО И НЕОБИЧНО СЕ ОДНЕСУВААТ: Со укинувањето на мерките се враќаат болести потиснати во текот на пандемијата

Едно од објаснувањата е дека ограничувањата предизвикани од коронавирусот и носењето маски во последните две години им дадоа на останатите заразни болести мали можности да се шират на начинот на кој некогаш се ширеле.

Пандемијата со КОВИД-19 стивна низ целиот свет, а со неа и многу социјални ограничувања кои беа воведени со цел да се спречи нејзиното ширење. Се чини дека местото на КОВИД го зазедоа цела низа вируси кои се однесуваат на нови и необични начини.

Зимските сезони на грип во САД во 2020 и 2021 година беа едни од најблагите регистрирани и во однос на смртните случаи и во поглед на хоспитализацијата. Сепак, случаите се зголемија во февруари и уште повеќе се зголемија во пролетта и летото бидејќи беа укинати ограничувањата.

“Никогаш не сме виделе сезоната на грип во САД да се продолжи до јуни“, изјави пред неколку дена, д-р Скот Робертс, помошник медицински директор за превенција на инфекции во болницата Yale New Haven.

“КОВИД-19 очигледно имаше многу големо влијание врз тоа. Сега кога луѓето се разоткрија, места се отвораат, гледаме дека вирусите се однесуваат на многу чуден начин“, вели тој.

Респираторниот синцицијален вирус, сличен на вирусот на настинка што е вообичаен во текот на зимските месеци, покажа пораст минатото лето, со повеќе случаи меѓу децата во Европа, САД и Јапонија. Потоа, во јануари оваа година, појавата на аденовирус 41, обично одговорен за гастроинтестинални заболувања, стана очигледна причина за мистериозно и тешко заболување на црниот дроб кај децата.

Државата Вашингтон доживеа најлош бран на туберкулоза во последните 20 години. А сега, неодамнешната епидемија на мајмунски сипаници – ретка вирусна инфекција која вообичаено се наоѓа во централна и западна Африка, ги збунува здравствените експерите со повеќе од 1000 потврдени и сомнителни случаи што се појавуваат во 29 неендемични земји.

ВИРУСИТЕ ЧУДНО СЕ ОДНЕСУВААТ

Најмалку две генетски различни варијанти на мајмунски сипаници сега циркулираат во САД. Веројатно потекнуваат од две различни инфекции кои се шират од животните на луѓето, објави минатата недела Центарот за контрола и превенција на болести на САД.

Светската здравствена организација пред неколку денови забележа дека вирусот, чии симптоми вклучуваат треска и кожни лезии, можеби не бил откриен во општеството “со месеци или можеби неколку години“.

“Двата соја веројатно укажуваат дека ова трае подолго отколку што мислевме. Во моментов сме загрижени“, додава Робертс. Тој напоменува  дека наредните недели ќе бидат јасни за текот на вирусот, кој има период на инкубација од 5 до 21 ден.

ОГРАНИЧУВАЊАТА ЈА НАМАЛУВААТ ИЗЛОЖЕНОСТА И ИМУНИТЕТОТ

Едно од објаснувањата е дека ограничувањата предизвикани од коронавирусот и носењето маски во последните две години им дадоа на останатите заразни болести мали можности да се шират на начинот на кој некогаш се ширеле.

Онаму каде што вирусите успеале да се провлечат, често се пропуштени бидејќи јавноздравствениот надзор главно беше насочен на пандемијата.

Ова навистина беше случај со појавата на туберкулоза во Вашингтон, соопштија локалните здравствени власти, велејќи дека паралелите меѓу двете болести овозможуваат случаите на туберкулоза да останат недијагностицирани.