Некои американски стручњаци за заразни болести се прашуваат дали треба да се продолжи со користење на методата на броење на случаевите на коронавирус како метрика за одредување на мерките за ублажување на последиците од пандемијата, со оглед дека податоците покажуваат дека омикрон е помалку сериозен, но е многу позаразен сој од претходните варијанти.
Тие експерти тврдат дека САД достигнале фаза на пандемијата во која извештаите за драматичните зголемувања на бројот на случаи предизвикуваат непотребна загриженост и дека владините претставници и јавноста наместо тоа треба да се фокусира на податоците за смртните случаи и хоспитализациите кога ги разгледуваат мерките на претпазливост.
Бројот на случаи “предизвикува многу паника и страв, но не го одразува она што претходно го покажуваше, а тоа е да хоспитализациите се следат со случаевите“, вели д-р Моника Ганди, специјалист за заразни болести и професор по медицина на Универзитетот во Калифорнија.
Меѓутоа, други стручњаците за заразни болести велат дека, иако се охрабрени од податоците од Јужна Африка кои покажуваат дека нивниот неодамнешен бран со омикрон сојот не бил проследен со пораст на смртните случаи, вирусот продолжува да ги оптоварува болниците во САД, па затоа бројот на случаеви на КОВИД-19 останува пресудно мерење.
САД во четвртокот имаа над 580 илјади нови случаи на ковид, што е втор пат во една седмица, според податоците на Њујорк Тајмс и оваа земја го сруши рекордоте на дневни слуачи на ковид. Но, во последница две недели, додека бројот на случаи на ковид во САД се зголеми за 181%, бројот на хоспитализации се зголемил за 19%, а бројот на починати е намален за 5%.
“Се чини дека е помалку опасен од две причини. Прво, се чини дека сме имале поголем имунитет во декември 2021 отколку во текот на претходните бранови, а сега постојат и пет лабораториски студии кои покажуваат дека омикрон значајно не ги зафаќа белите дробови“, вели проф. Ганди.
При објавата на податоците за КОВИД-19, здравствените институции сега треба да имаат ист пристап како и со грипот, порачува експертката, додавајќи дека тоа значи објавување на податоци за хоспитализација и смртност, но не бројки за бројот на нови случаи. Како и кај грипот, не е можно да се елиминира вирусот, затоа треба да се фокусираме само на неговата тежина.
“Кога ќе прифатите дека вирусот е ендемичен, исто како и грипот, тогаш никогаш повеќе не ги следите случаите бидејќи никогаш на овој начин не проверуваме било кои други вируси, следиме што ја предизвикува болеста и што ги носи луѓето во болница“, истакнува проф. Ганди.
Други земји сега спроведуваат пристап кој не е фокусиран на бројот на случаи. На пример, во Канада, која исто така неодамна забележа рекорден број случаи на КОВИД-19, најави дека повеќе нема да се фокусира на на дневното пребројување на нови случаи.
Филипинската влада, исто така, оваа недела објави дека ќе престане да објавува ажурирање на случаевите на социјалните мрежи, што е сличен пристап на оној што го користи Сингапур.
Џастин Леслер, професор по епидемиологија на Универзитетот Северна Каролина, се уште смета дека бројот на случаи е “важен водечки индикатор“. “Со омикрон, скоковите се толку големи, дури и ако се во просек многу помалку сериозни од претходните варијанти. Самиот број на случаи е таков што болничките системи ќе бидат преоптоварени и постои ризик за поединци, бидејќи е многу веројатно дека ќе бидете заразени“.
Мара Аспинал, професорка по биомедицинска дијагностика на Државниот универзитет во Аризона, исто така вели дека податоците за бројот на случаи остануваат важни затоа што ја спречуваат јавноста да претерано реагира или да не реагира на пандемијата.
За проф. Ганди, таа рамнотежа лежи во тоа да здравствените институции и сектори интерно го следат бројот на случаи и само да ја предупредуваат јавноста за хоспитализациите и смртните случаи.
“Причината поради која ги следевме случаите е таа што се надевавме дека можеме да го елиминираме вирусот, но не е во природата на вирусот да се елиминира“, вели проф. Ганди, оценувајќи дека земјата се уште во целост не ја прифатила идејата дека не можеме да го елиминираме.
