Од 54 онколошки пациенти, кои се заразиле со коронавирус и покрај тоа што биле вакцинирани со две дози вакцина, а пред препораките за примањет бустер доза, 65 проценти биле хоспитализирани, 19 проценти завршиле на оддел за интензивна нега, а 13 проценти починале, покажуваат податоците на Меѓународниот конзорциум за проучување на КОВИД-19 и ракот.
Со студијата не е анализирана ефикасноста на вакцините во превенција на заразата.
Но, меѓу пациентите вакцинирани со две дози кои се заразиле со коронавирусот, КОВИД-19 бил еднакво тежок како и во споредба со група од 1656 невакцинирани пациенти со рак и КОВИД-19, објавиле научниците во списанието Annals of Oncology. Се покажало дека ризикот бил најголем за пациентите со рак на крвта.
“Многу студии укажуваат на тоа дека кај пациентите кои боледуваат од некоја форма на карцином, не успева да се создаде силен имун одговор на организмот, а ова е прва голема студија која веројатно упатува на последиците“, вели д-р Џереми Варнер од Универзитетот Вандербилт.
“Кај онколошките болни дополнителните бустер дози се клучни, како и континуираното носење на заштитни маски, одржување на физичко растојание и поттикнување на сите нивни блиски контакти да се вакцинираат“, нагласува д-р Варнер.
