Повеќето луѓе во некој момент во животот слушнале звук на крцкање или дробење во вратот при одредени движења. Тие звуци се нарекуваат крепитус и вообичаено се безболни и не претставуваат ништо сериозно. Но, ако звукот на крцкање или пукање во вратот е проследен со болка, оток или некој друг симптом, тоа може да претставува проблем која бара лекарска проценка.
Крепитацијата се однесува на кој било вид на звук или чувство, како што е пукање, крцкање, удирање или дробење кое се слуша при придвижување на вратот. На пример, звук на крцкање во вратот кога ќе ја свртите главата во автомобил за да се паркирате.
Крепитусот може да се појави во кој било подвижен зглоб во телото, а во вратот се наоѓаат најголем број од нив. Зглобовите се опкружени со супстанца која е слична на маслото, а се нарекува синовијална течност која овозможува слободно движење меѓу коските. Темелната причина за крепитацијата во вратот се уште не е во целост сфатена.
Можни причини
Различни студии изведени за крцкањето на синовијалните зглобови на прстите, но заклучоците во медицинската литература за тоа што всушност го создава звукот, се измешани. Едно истражување покажало дека пукањето на зглобовите го предизвикува пукањето на мал гасен меур во синовијалната течност на зглобот. Но, подоцна друга студија информирала дека звукот на пукање е всушност звук на создавање на гасовит меур.
Друга можност која може да биде причинител за овој звук во вратот е звукот на удирање на лигаментите и/или тетивите додека се движат преку коската или другите мускули или тетиви кои се наоѓаат во делот на вратот.
Невообичаениот звук на пукање во вратот можно е и поради стругање меѓу една и друга коска, доколку ‘рскавицата е истрошена. Оваа состојба се нарекува остеоартритис. Се јавува постепено со процесот на стареење или може да се забрза ако се случила некоја трауматска повреда. Овој тип на крепитација е проследена со болка, ограничено движење на вратот, а звукот на пукање обично се јавува повеќе пати при секое движење.
