Операција на уши поради облик, позиција, големина

Може да се корегираат и вродени дефекти или дефекти настанати после повреда. Доколку во прашање е вродениот дефект, операцијата се препорачува после петтата година од животот.

Со операција на ушните школки може да се корегира обликот, позицијата, асиметријата и големината на ушите. Тоа е релативно едноставна хируршка процедура која дава задоволувачки резултати и задоволен пацинет. Може да се корегираат и вродени дефекти или дефекти настанати после повреда. Доколку во прашање е вродениот дефект, операцијата се препорачува после петтата година од животот.


Хирургот мора да ја познава анатомската градба на ушната школка, бидејќи причина за „клемпавост„ може да биде токму лошата анатомија. Без оглед кој хируршки метод што ќе се примени, секој од нив зафаќа отстранување на вишокот на кожата, работа на ‘рскавицата и поставување на сутурни шавови. Резовите се прават во природни набори зад ушната школка, така што подоцна не се забележуваат.

Најпрво од пацинетот се зема анамнеза, се вршат клинички прегледи и се донесува одлука со каков хируршки метод ќе се работи. Операцијата на уши се прави со локална анестезија. По интервенцијата, пацинетот веднаш си оди дома со совети за постоперативната нега. Се врши имобилизација на ушните школки, која се отстранува по една недела. По отстранувањето на преврската, најчесто се присутни хематоми и отоци, кои се повлекуваат за 10 дена.