Оптимизмот може да го продолжи животот

Оптимистите имаат 35% помал ризик од сериозни срцеви компликации во однос на песимистите, покажала анализата.

Анализа на 15 студии кои вклучувале речиси 230.000 лица, покажала дека оптимистичните луѓе се изложени на помал ризик од срцев и мозочен удар, како и рана смрт. Имено, оптимистите имаат 35% помал ризик од сериозни срцеви компликации во однос на песимистите, покажала анализата.

Поврзаноста на духот и телото била видлива во сите возрасни групи, што укажува дека оптимизмот може да биде предност, без разлика на животната возраст.

Исто така, се покажало дека колку лицето е пооптимистично, толку има помал ризик од срцеви болести и смрт.

Истовремено, анализата покажа дека оптимистите имаат подобри здравствени навики, и повеќе применуваат здрава исхрана и физичка активност, а и помалку пушат цигари.