Орална бактерија може да го забрза растот на ракот на дебелото црево

Ова истражување покажало дека околу една третина од случаите на рак на дебело црево се поврзани со бактеријата Fusobacterium nucleatum, Грам – негативен орален анаероб, кој може да најде кај забите кои се зафатени со кариес.

Истражување кое го спровеле американски научници од Универзитетот Колумбија – Колеџ за дентална медицина открило дека вообичаена орална бактерија може да го забрза растот на ракот на дебелото црево. Се смета дека ова откритие може да доведе до успешно откривање и лекување на агресивниот рак на дебелото црево.

Ракот на дебелото црево е втора најчеста причина за смртност во САД. Се проценува дека во 2017 година во САД имало над 95.000 нови случаи на карцином на дебелото црево, чија стапка на инциденција била подеднакво распределена помеѓу мажите и жените.

Ова истражување покажало дека околу една третина од случаите на рак на дебело црево се поврзани со бактеријата Fusobacterium nucleatum, Грам – негативен орален анаероб, кој може да најде кај забите кои се зафатени со кариес.

Треба да се истакне дека бактеријата Fusobacterium nucleatum создава FadA adhezin, молекула која го активира сигналниот пат во клетките на дебелото црево кој е поврзан со неколку видови на карцином.

Исто така, откриено е дека FadA adhezin го забрзува растот на клетките на ракот, но не и на здравите клетки, и дека колоректалните карциноми кои се поврзани со оваа бактерија се многу агресивни. Истовремено, откриено е дека протеинот Анексин А1 е одговорен за стимулирање на растот на клетките на ракот. Поради тоа, Анексин А1 би можело да се користи како биомаркер за агресивен рак на дебелото црево, а може да биде и потеницијална цел на новите терапии за рак на дебелото црево.