Најновото истражувањето на италијанските научници од Универзитетот во Болоња укажува на помал ризик од остеопороза кај луѓето, кои преферираат медитерански начин на исхрана.
Било откриено дека постарите лица со остеопороза кои практикувале медитеранска исхрана во текот на 12 месеци имале многу помала стапка на загуба на коскената маса, отколку нивните врсниците кои не следеле ваков тип на исхрана.
Медитеранската исхрана се карактеризира со висок удел на овошје, зеленчук, јаткасти плодови, риби и маслиново масло.
Медитеранскиот начин на исхрана имал мал или речиси никаков ефект врз учесниците во истражувањето, чија густина на коски била нормална, но го редуцирала губењето на коскената густина кај индивидуи со остеопороза.
Новите наоди се базираат на податоци за густината на коските, кои биле собрани од 1 150 испитаници во период од една година. Учесниците во истражувањето биле помеѓу 65 и 79 години, а резултатите се објавени во „American Journal of Clinical Nutrition.“
Најизразено зголемување на густината на коските било забележано во горниот дел од феморалната (бутна) коска, па така кај овие лица се намалил ризикот од фрактура на колкот, која е чести кај лица со остеопороза, пишува „medicalnewstoday“.
Претходните студии ја поврзуваат медитеранската исхрана со низа позитивни ефекти врз здравјето, вклучувајќи го и намалувањето на ризикот од срцеви заболувања, деменција и рак.
