Ретко кој не сака совршен кремаст вкус на ладен сладолед. Станува збор за најстариот десерт кој низ годините толку е усовршуван што секоја земја прави специфичен вкус кој е необичен за непцата, но совршен за туристите.
Италија – џелато
Италијанскиот „џелато“ навистина е сладолед за себе. Речиси и да нема место во Италија на кое не можете да пробате одличен сладолед. Го има во повеќе вкусови, како и сите останти, но мешањето вкусови е карактеристично за италијанскиот и тоа само во едно топче.
Јапонија – моки
Ова не е класичен сладолед, туку локален јапонски десерт моки во комбинација со класичен сладолед. Овој сладолед во себе содржи ориз, а го има и во вкус на зелен чај.
Аргентина – хеладо
Иако самото име значи сладолед, ова е многу повеќе од тоа. Хеладо е добар колку и џелато, но многу, многу повкусен и покремаст.
Малезија – аис кацанг
Ова е повеќе како куп, отколку класичен сладолед. Се служи во разни облици и со бројни додатоци како слатка пченка, сушено овошје, алое вера и млеко. Секако, над сето тоа се ставаат разни сирупи со бројни вкусови.
Израел – сладолед од алва
Алвата е вкусен десерт сам по себе и е вистински деликатес не само во Израел, туку и во останатите арапски земји. Ако сакате алва овој сладолед многу брзо ќе ви стане омилен.
Индија – кулфи
Ова е вид на смрзната течност на стапче. Не е особено кремаст, туку спротивно, а се прави од млеко и бројни додатоци.
Германија – шпагети ајс
Овој сладолед е многу вкусен, но ако земете предвид дека се служи како шпагети и пармезан, самиот процес на уживање може да биде помалку чуден. Го лажете мозокот да мисли дека јадете едно, кога тоа е сосема друг вкус.
Турција – дондурма
Овој сладолед е премногу благ и едноличен, но никаде во светот не постои сличен или приближен вкус на турската дондурма.
