Премногу сол
Брзата храна, претерувањето со грицки, маснотии и солена храна можат да влијаат на тоа прстите да почнат да изгледаат како колбавчиња. Докторката по општа медицина и професорка на катедрата за ревматологија на Универзитетот во Чикаго Тами Олсен Утсет опишува дека со консумирањето на повеќе количество сол во телото се задржува повеќе вода, што го објаснува отекувањето на прстите. Заради сол отечените прсти главно спласнуваат после еден ден, но тоа може да се продолжи ако има повеќе сол во организмот. „Доколку ја исфрлите солта, а отекувањето продолжи обавезно посетете лекар“, советува Утсет.
Остеоартритис
Остеоартритис или артроза или дегенеративен артритис е болест на зглобовите која претставува еден од најчестите медицински проблеми во светот. Како и повеќето типови артритис не може да се излекува. Се препознава по отекувањето на зглобовите на прстите и најмногу е поврзана со годините и стареењето. Утсет вели дека остеоартритисот често, но не и секогаш, е проследен со чувство на болка и вкочанетост. И другите облици на артритис предизвикуваат отекување на прстите.
Синдром на карпален канал
Ова е најпозната и најчеста болест во пределот на дланките, позната и како болест на модерниот човек. Кај неа доаѓа до притисок на медијалниот нерв во карпалниот канал на коренот од раката под самата дланка, како при користење на глувче и тастатура положби при кои рацете се задржуваат во долготрајна, еднолична т.н. „присилна“ положба. Се манифестира со болка, печење, морници или вкочанетост на раката и прстите. Три пати е почеста кај жените.
Рејно синдром
Оваа болест или синдром ги стеснува артериите, што често е предизвикано до студ или стрес. Тоа ја намалува циркулацијата на крвtа, а кога раката ќе се поврати доаѓа до отекување на прстите, често проследено со чувство на печење или морници. И оваа состојба почеста е кај жените, вели Утсет
Преeклампсија
Отекување на прстите е вообичаено за трудниците. Но ако тоа е проследено со отекување на лицето и рацете – кое е толку силно што при притисок на отокот останува видлива вдлабнатина – би можело да се работи за прееклампсија. Оваа состојба се карактеризира со висок крвен притисок, а ако не се лекува би можело да остави сериозни последици и на мајката и на детето. Во посебна опасност се трудниците постари од 40 години, оние кои носат близнаци или тројки.
