Откриен нов фактор кој е поврзан со поголема веројатност за развој на деменција

Лицата кои имаат чести вознемирувачки соништа во средните години би можеле да имаат поголема веројантост дека подоцна во животот ќе им биде дијагностицирана деменција, сугерира ново истражување.

Лицата кои имаат чести вознемирувачки соништа во средните години би можеле да имаат поголема веројантост дека подоцна во животот ќе им биде дијагностицирана деменција, сугерира ново истражување.

Студијата открила дека лошите соништа би можело почесто да се појавуваат неколку години или дури и децении пред да се појават проблеми со размислувањето и помнењето.

Претходна студија спроведена помеѓу луѓе со Паркинсонова болест, исто така, забележала врска помеѓу честите вознемирувачки соништа и побрзото когнитивно опаѓање.

“За прв пат покажавме дека вознемирувачките соништа или кошмарите можат да бидат поврзани со ризик од деменција и когнитивно пропаѓање кај здравите возрасни лица во општата популација“, изјави д-р Абидеми Отаику од Центарот за здравје на човечкиот мозок при Универзитетот во Бирмингем, кој го спровел новото истражување.

“Ова е важно бидејќи постојат многу малку показатели за ризик за деменција кои можат да се идентификуваат уште во средната возраст“, ​​додава д-р Отаику.

“Иако е потребна повеќе работа за да се потврдат овие врски, ние веруваме дека лошите соништа можат да бидат корисен начин да се идентификуваат луѓето со висок ризик од развој на деменција и да се воспостават стратегии за забавување на почетокот на болеста“.

За целите на студијата, чии резултати беа објавени во списанието The Lancet, д-р Отаику испитувал податоци од три групи луѓе во САД. Тоа вклучувало повеќе од 600 возрасни мажи и жени на возраст меѓу 35 и 64 години и 2.600 возрасни над 79 години.

Сите учесници немале деменција на почетокот на студијата и биле следени во просек девет години (помладата група) и пет години (повозрасната група).

Резултатите покажале дека средовечните луѓе (35 до 64 години) кои сонувале лоши соништа секоја недела имале четири пати поголема веројатност да страдаат од когнитивен пад во следната деценија, додека постарите луѓе имале двојно поголема веројатност дека ќе им биде дијагностицира деменција. Се чини дека тие врски биле повпечатливи кај мажите отколку кај жените.