УСПЕШНО ГО ИЗБЕГНУВА ИМУНИТЕТОТ: Откриено колку пати омикрон е позаразна од делта варијантата

“Омикрон варијантата повеќе се пренесува и го избегнува имунитетот изграден по природен пат и преку вакцините“, наведува Нишиура во својата студија, која е претставена на состанокот на советодавниот одбор на министерството за здравство.

Омикрон сојот е 4,2 пати позаразен во рана фаза од делта сојот, покажува студија на јапонски научник, советник на министерството за здравство во таа земја.

Хироши Нишиура, професор по здравствени и еколошки науки на Универзитетот Кјото, кој специјализирал математичко моделирање на заразните болести, анализирал податоците за геномот кои биле достапни до 26. ноември во јужноафриканска провинција Гаутенг.

“Омикрон варијантата повеќе се пренесува и го избегнува имунитетот изграден по природен пат и преку вакцините“, наведува Нишиура во својата студија, која е претставена на состанокот на советодавниот одбор на министерството за здравство.

Светската здравствена организација неодамна предупреди дека омикрон би можел да поттикне скокови со “тешки последици“. Но, порастот во бројот на случаи во Јужна Африка по појавата на оваа варијанта се уште ги преполнил болниците, што доведе до одреден оптимизам дека може да предизвика само блага форма на болеста.

Студијата на Нишиура засега се уште не е рецензирана и објавена во научно списание. Новата анализа била спроведена со ист метод што научникот го користел во студијата од јули објавена од медицинското списание Eurosurveillance за предвидената доминација на делта сојот пред Олимписките игри во Токио.