Научничката Вивиен Лабрие од Истражувачкиот институт во Мичиген со новата, најопсежна и најдолга студија до сега, покрена дискусија за тоа дали Паркинсоновата болест всушност почнува во слепото црево и патува до мозокот. Научничката и нејзиниот тим анализирале податоци од 1,6 милиони Швеѓани во период од 52 години. Тие забележале дека популацијата кај која во младоста е отстрането слепото црево, за 20% поретко заболува од Паркинсонова болест, подоцна во животот.
Токсичната компонента пронајдена во мозокот на пациентот сега е откриена во слепото црево, се наведува во студијата.
Паркинсоновата болест значи тремор и вкочанетост за кои долго се сметало дека се поттикнати од мртви клетки во мозокот кои се таложат поради протеинот синуклеин. Синуклеинот инаку извршува функција на сигнализација на нервите.
Тимот научнци анализирале 48 примероци од слепо црево земени од лица кои имале и кои немале Паркинсонова болест и утврдиле дека речиси кај сите примероци имало синуклеин во нервните влакна на органите.
“Тој може да се однесува како семе за болеста во мозокот, но треба дополнително да се испита зошто тоа се случува само кај одредени луѓе“, нагласува проф. Лабрие.
