Ова е горна граница за мажите кои сакаат потомство

Студија спроведена на Универзитетот Rutgers опфатила анализа на 40 годишно истражување, а заклучила дека мажите, како и жените имаат биолошки часовник кој отчукува.

И мажите имаат свој “биолошки часовник“, па како и кај жените по 40. може да се јават почести потешкотии со плодноста. Студијата која е спроведена на Универзитетот Rutgers опфатила анализа на 40 годишно истражување, а заклучено било дека и мажите, како и жените имаат биолошки часовник кој отчукува.

Група истражувачи утврдила дека мажите постари од 45 години се помалку плодни, а жените имаат поголем ризик од прееклампсија, гестациски дијабетес и предвремено породување. Бебињата на постари татковци имаат поголема веројатност да се родат пред терминот, а имаат и поголем ризик од срцеви болести, аутизам и помала родилна тежина.

Непознато е што ги предизвикува овие последици, но научниците веруваат дека природно пониското ниво на тестостерон е можниот причинител. Поради тоа, советуваат мажите, ако се во можност да чуваат во банка за сперма залихи, за да се намали ризикот од здравствени потешкотии за бебето и за мајката.

Мажите би требало да планираат потомство пред да наполнат 35 години, покажало истражувањето.

“Иако е општо прифатено дека физиолошките промени кои се јавуваат кај жената по 35. година може да влијаат на зачнувањето, бременоста и здравјето на детето, повеќето мажи не сфаќаат дека нивната возраст има сличен ефект“, изјавила авторката на студијата Глорија Бачман.