“ОВА НЕ Е САМО НОВ ГРИП“: Секој четврти млад пациент ги чувствува симптомите на КОВИД-19 и неколку недели откако бил позитивен

Млади на возраст помеѓу 18 и 34 години не треба да лесно да очекуваат дека брзо ќе оздрават по инфекцијата со новиот коронавирус. Ново истражување открива дека околу една четвртина од нив, целосно не се опоравиле со недели по заразата, дури и ако немале тешки симптоми и не биле хоспитализирани.

Наодите покажуваат дека опоравувањето може да се продолжи, дури и кај младите без хронични здравствени состојби, што потенцијално може да доведе до продолжени отстуство од работа, студии или други активности, се наведува во извештајот на американскиот Центар за контрола и превенција на болести (CDC).

Иако многу истражувања се фокусираа на хоспитализираните болни со КОВИД-19, истражувачите сакале да утврдат какво е опоравување кај амбулантските пациенти со помалку тешка клиничка слика на болеста. Анализирани биле речиси 300 полнолетни пациенти од 13 градови во САД. Во истражувањето биле вклучени и лица кои биле позитивни на КОВИД-19 и покажале барем еден симптом.

Се покажало дека околу две третини од испитаниците се вратиле на својата вообичаена здравствена состојба отприлика една недела по тестирањето, но 35 проценти од нив и нтаму не се чувствувале добро ниту две до три седмици подоцна.

Меѓу младите на возраст помеѓу 18 и 34 години, секој четврти се опоравувал и по две до три недели по испитувањето. Во популацијата помеѓу 35 и 49 години, се опоравувал секој трет, а меѓу повозрасните од 50, секој втор испитаник чувствувал последици од заразата и три недели по појавата на симптоми.

Над 90 проценти од заболените од грип се враќаат во нормала во период од две седмици по позитивен тест.

На заостанати или продолжени симптоми се жалел и секој петти млад испитаник без здравствени состојби. Најчести симптоми кои ги пријавувале реконвалесцентите од КОВИД-19 биле кашлица и замор.

Наодите покажуваат дека КОВИД-19 не е “само уште еден грип; над 90 проценти од заболените од грип се враќаат во нормала во период од две седмици по позитивен тест.