Оние болни рани во устата најчесто се последица на помалку сериозни причинители, па може да станува збор за афти или за случајно гризнување за образот.
Ова се промените кои се наоѓаат во устата, а кои секако треба да ги прегледа лекар:
- ХЕРЕПЕС
Се работи за најчестиот проблем во устата. Во одделни случаи доминираат внатрешни фактори како температура, присутност на други вируси односно причини кои го слабеат имуниот систем. За некои лица изложувањето на ултравиолетовото зрачење може да доведе до појава на херпес на устата. Студенилото, изложеноста на стрес, стоматолошки зафат или алергиска реакција на храна се само некои од тригерите за појава на херпес. Но, ако тој постојано се повторува, паметно е да се консултира лекар.
- ЦРН И ВЛАКНЕСТ ЈАЗИК
Оваа состојба не е болна и се јавува кога папулите на јазикот ќее се зголемат и на нив ќе се “залепат“ бактерии кои вообичаено живеат во устата – од таа причина јазикот изгледа црн. Причините може да бидат различни, употреба на антибиотици, лоша орална хигиена, пушење и консумирање на големи количини кафе и чај. Миењето на јазикот со четка за заби може да помогне, но понекогаш е потребна лекарска помош.
- АФТИ
Афтите се мали ранички во устата, неретко болни, и склони кон често повторување. Не се појавуваат на непцето и на забите, но ги има на слузницата, јазикот, образите и внатрешната страна на устата. Не се опасни, но телото преку нив јавува дека нешто не му одговара. Ако траат подолго од две недели, не го игнорирајте предупредувањето и посетете стоматолог или лекар.
- ЛЕУКОПЛАКИЈА
Во прашање е иритација која може да ја предизвикаат острите рабови на забот, лошо поставена навлака или пломба на забот, пушење… Обично се работи за безболна појава, а се јавува во форма на бели дамки во устата или наслаги и може да се исчисти. Оваа состојба може да биде симптом и за некои сериозни болести, па затоа е добро да ве прегледа лекар.
