Ракот на стомакот претставува развој на тумор во желудникот заради неконтролиран раст на клетките, а еве кои симптоми укажуваат на оваа опасна болест.
Истражувањата истакнуваат дека ракот на желудник најчесто го добиваат мажите постари од 55 години, пушачи, кои немале доволно влакна во исхраната, често јаделе црвено месо, зачинета или солена храна.
Симптомите, пак, кои укажуваат на рак на желудникот во почетен стадиум се проблеми со варењето, надуеност и гасови, жарење, брзо чувство на ситост за време на оброкот, мачнина, болка во стомакот, дијареја и повраќање…
Кога болеста напредува се јавуваат симптоми како што крв во столицата или црна столица, лош апетит, губење килограми, замор, анемија, жолтило на кожата или во очите.
Карциномот на желудник главно може да се излекува ако се открие на време, затоа докторите апелираат да реагирате на секој од наброените симптоми.
Овој карцином може да се појави во кој било дел од желудникот и може да се прошири и на останатите органи, претежно хранопроводот, белите дробови, лимфните јазли и црниот дроб. Желудочниот карцином е причина за околу 800.000 смртни случаи годишно во светски рамки.
