Проблемите со видот, секако, доаѓаат со годините, па лекарите велат дека е паметно за нив да се води сметка години претходно. За здравјето на очите и добар вид не е доволно само еднаш во неколку години да се посети офталмолог. Важно е и да се избегнуваат лоши навики со кои се загрозува здравето на очите и видот.
Ова се грешки кои редовно ги правиме, а кои можат да влијаат на функционирањето на видот и на окото.
Носите леќи, а се случува да преспиете со нив?
Тоа никогаш не треба да го правите, бидејќи леќите може да го блокираат дотокот на кислород до рожницата, што понекогаш може да биде причина за различни инфекции. Ова, секако, не се однесува на кратка дремка во текот на денот, но преку ноќ задолжително извадете ги леќите.
Понекогаш спиете со шминка
Ваквата навика е штетна и за очите и за кожата. Освен што може да доведе до појава на воспаление на лицето, ризикувате и да дојде до запушување на солзните канали што вообичаено води до појава на сериозна инфекција. Секогаш отстранете ја шминката, колку и да сте уморни.
Често користите капки за очи
Капките што го намалуваат црвенилото на очите. Треба да се користат во исклучителни и конкретни ситуации, никогаш пречесто. Ако капките не ви помогнaт за ден или два, мора да побарате лeкaрска помош, бидејќи најверојтано ви е потребна посериозна терапија.
Не носите очила за сонце во текот на зимата
Сонцето им штети на очите во текот на целата година, затоа е многу важно да одберете очила чии стакла пружаат висок степен на заштита од УВ зрачењето и да ги носите доколку сонцето e јако, без разлика за кое годишно време станува збор.
