Оваа епидемија на модерното време предизвикува рак на цревата, бубрезите, црниот дроб и јајчниците

Cancer Research UK предупредува дека милиони луѓе имаат ризик од развој на карцином поради својата тежина, и дека дебели лица има двојно повеќе од пушачи.

Дебелината сега предизвикува повеќе случаеви на четирите најчести видови на карцином во Велика Британија од пушењето, наведува организацијата Cancer Research UK. Поверојатно е дека рак на цревата, бубрезите, јајчниците и црниот дроб ќе се развие поради прекумерната телесна тежина отколку поради пушењето, потенцираат од оваа организација.

Cancer Research UK предупредува дека милиони луѓе имаат ризик од развој на карцином поради својата тежина, и дека дебели лица има двојно повеќе од пушачи.

Според податоците на оваа организација, од околу 42.000 нови случаи на рак на црева, прекумерната тежина или дебелината предизвикува 4.800, а пушењето 2.900. Кога станува збор за ракот на бубрези, од вкупно 12.900 случаи, дебелината предизвикува 2.900, а пушењето 1.600, додека од вкупно 5.900 случаи на рак на црниот дроб, 1.300 поради прекумерната телесна тежина. Од 7.500 случаи на рак на јачници, дебелината е одговорна за појава на 490, а пушењето на 25 случаи годишно.