Овие 8 скриени знаци дека имате болно срце никако не смеете да ги занемарите

Ниту денес не успеавте да ги истрчате метрите што си ги зададовте? Отечени ви се непцата? Во кревет сте неупотребливи, а од потколениците ви ги снема влакната? Да не набројуваме понатаму – сите овие се симптоми на болести на срцето за кои никогаш не размислувате.

Ниту денес не успеавте да ги истрчате метрите што си ги зададовте? Отечени ви се непцата? Во кревет сте неупотребливи, а од потколениците ви ги снема влакната? Да не набројуваме понатаму – сите овие се симптоми на болести на срцето за кои никогаш не размислувате.

  • Брзо се заморувате за време на физичка активност

Вообичаено трчате без потешкотии 4-6 километри дневно, но одеднаш веќе не го можете тоа, бидејќи ве фаќа замор сличен на оној како кога имате грип? Ова би можело да биде јасен знак дека вашето срце не пумпа доволно крв по телото.

Доколку и по квалитетен одмор и закрепнувачки сон и понатаму го чувствувате истиот замор, веднаш посетете лекар.

  • Имате проблеми со ерекцијата

Еректилната дисфункција е еден од вообичаените сигнали дека нешто со срцето не е како што треба да биде. Анксиозност, депресија и стрес исто така може да предизвикат потешкотии со сексуалниот живот, но не треба да се занемари фактот дека можеби се работи за запушување на срцева артерија што спречува крвта да дојде до пенисот. Васкуларната еректилна дисфункција е најчестиот тип на сексуална дисфункција и обично ја предизвикува една од овие две болести: атеросклероза или ендотелијална дисфункција. Атеросклерозата предизвикува затврднување и стеснување на артериите што доведува до срцев и мозочен удар. Еднотелијалната дисфункција оневозможува крвните садови да се опуштат колку што е потребно, а тоа го намалува протокот на крв низ телото.

Симптомите на нарушување на ерекцијата често се појавуваат две години пред другите симптоми на болести на срцето, поради што нудат шанса за рана интервенција и спречување на срцевите болестиво самиот почеток на развој.

  • Одеднаш има напад на кашшлица која со недели не попушта

Не дозволувајте долготрајната кашлица да ве збуни на начин да помислите дека сте добила лоша настинка. Доколку вообичаените лекови против кашлица не помогнат, тоа би можело да биде знак дека имате проблеми со срцето.

Понекогаш во белите дробови, од конгестивното затајување на срцето се насобира течност, што може да предизвика пискање и кашлица кои потсетуваат на астма или некоја друга белодробна болест, а всушност во прашање е срцето. Нездраво срце може да биде причината за хронична опструктивна болест на белите дробови, многу сериозна состојба која до крајна граница го отежнува дишењето на пациентот.

  • За време на спиење отежнато дишете

Опструктивната апнеа во сон предизвикува да среде ноќ се будиме во агонија, борејќи се за воздух. Оваа состојба е поврзано со висок ризик од болести на срцето, како срцев удар, атријална фибрилација и срцева аритмија. За време на спиењето кај пациенти со апнеа, нивото на кислород опаѓа, предизвикувајќи телото да им сигнализира на крвните садови да се стегаат и да ја зголемат испораката на кислород до срцето и мозокот. Ова предизвикува проблеми со дишењето во текот на ноќта.

  • Ви паѓаат влакната на нозете

Нозете без влакна може да бидат знак дека вашите крвни садови се стеснети, што го спречува нормалниот проток на крв. Ова може да предизвика нарушена циркулација во нозете и да спречи нормален раст на влакната во таа област.

Општо земено, периферната артериска болест предизвикува губење на косата или забавен раст на влакната на нозете и затоа се препорачува посета на лекар кој може да препише терапија.

  • Отечени ви се стапалата и нозете

Ако забележите дека тешко ги облекувате чевлите или чорапите ве стегаат, тоа може да биде знак дека имате проблеми со срцето. Кога вашето срце не работи ефикасно, крвните садови се полнат со крв што се враќа, односно не протекува доволно добро, а акумулираната течност ја туркаат во околните ткива, предизвикувајќи некои делови од телото, како што се стапалата или стомачната шуплина да отечат.

Ако чувствуват дека сте отечени на необични места, обидете се да ја притиснете кожата. Ако на кожата остане вдлабнување, тоа значи дека вашите ткива задржуваат вишок течности и треба да посетите лекар.

  • Ве мачи болка во вратот и вилицата

Повеќето луѓе сметаат дека болката во градите е првиот знак за срцеви заболувања, но во реалноста првите симптоми на болно срце се појавуваат на други делови од телото.

Жените почесто од мажите имаат поголема веројатност за т.н. „атипични симптоми“ кои честопати можат да доведат до тоа да состојбата поврзана со срцето не се препознае, ниту да се лекува.  Ова е причината зошто е многу важно да се знае дека првиот симптом на болно срце не е секогаш болка во градите.

Болките  во вратот или вилицата може да биде знак за ангина пекторис, срцев проблем што се јавува кога на срцето му недостасува крв богата со кислород. Оваа болест може да се манифестира како притисок или стегање во градите, и може да се прошири на други делови од телото како што се вратот, вилицата, грбот или рамената.

  • Отечени ви се непцата

Лицата со болести на непцата често страдаат од отечени непца предизвикани од воспаление, а воспалението во телото може да доведе до зголемен ризик од срцев удар. Лицата кои страдаат од парадентоза, всушност боледуваат од тешка форма на воспаление, а тоа воспаление може да покрене воспалителни процеси било каде во телото.