ОВИЕ СЕ 13-ТЕ НАЈЧЕСТИ: Симптомите на кардиоваскуларните болести се разликуваат зависно од состојбата што ја имате

Семејната историја, етничката припадност, полот и возраста исто така може да влијаат на ризикот од кардиоваскуларни болести.

Тие можат да бидат предизвикани од комбинација на бихевиорални, социо-економски и еколошки ризик фактори, вклучувајќи неправилна исхрана, употреба на тутун, физичка неактивност, штетна употреба на алкохол, загадување на воздухот, висок крвен притисок, висок холестерол, дијабетес, прекумерна телесна тежина, бубрежни заболувања и стрес. Семејната историја, етничката припадност, полот и возраста исто така може да влијаат на ризикот од кардиоваскуларни болести.

КОИ СЕ РАЗЛИЧНИТЕ ВИДОВИ КАРДИОВАСКУЛАРНИ БОЛЕСТИ?

Срцева болест

Коронарната срцева болест, која понекогаш се нарекува и коронарна артериска болест или исхемична срцева болест, е најчестиот вид на болест на срцето. Се однесува на проблеми со срцето предизвикани од стеснети коронарни артерии кои го снабдуваат срцевиот мускул со крв. Кај некои луѓе, првиот знак на коронарна срцева болест е срцев удар.

Срцев удар

Срцев удар или миокарден инфаркт се случува кога, обично поради формирање на згрутчување на крвта, дотокот на крв во срцето е прекинат. Без кислород и хранливи материи, срцевиот мускул почнува да умира. Срцевиот удар може да предизвика трајно оштетување на срцето, а може да биде смртоносен, особено ако не се обезбеди итна медицинска помош и лекување.

Мозочен удар

Мозочниот удар се јавува кога дотокот на крв во мозокот е прекинат, поради што мозокот го губи своето витално снабдување со кислород и хранливи материи. Мозочниот удар може да биде предизвикан од крвно згрутчување во мозочната артерија или со пукање на крвен сад во мозокот и крварење, оштетувајќи го мозочното ткиво.

Останати состојби:

  • Аритмија – неправилна или абнормална работа на срцето
  • Болест на аорта (вклучувајќи аневризма на аорта) – болест која предизвикува ширење или пукање на аортата
  • Кардиомиопатии – болести на срцевиот мускул
  • Конгенитална болест на срцето– проблеми со срцето или крвните садови кои се присутни при раѓање
  • Длабока венска тромбоза и белодробна емболија – крвни згрутчувања во вените на нозете, што може да се ослободат и да стигнат до срцето и белите дробови преку крвотокот
  • Затајување на срцето – состојба во која срцето не пумпа крв како што треба
  • Болест на срцевите залистоци – болест на срцевите залистоци кои го одржуваат протокот на крв низ срцето
  • Болест на перикардот (перикардитис) – воспаление на тенката ткивна обвивка што го опкружува срцето
  • Ревматска срцева болест – оштетување на срцевиот мускул и срцевите залистоци од ревматска треска, предизвикано од стрептококна бактерија
  • Васкуларна болест (болест на крвните садови) – секоја состојба која влијае на системот на крвните садови
  • Периферна васкуларна болест (вклучувајќи периферна артериска болест) – болест на крвните садови кои ги снабдуваат рацете и нозете
  • Цереброваскуларна болест – болест на крвните садови кои го снабдуваат мозокот
  • Васкуларна болест (болест на крвните садови) – секоја состојба која влијае на системот на крвните садови

КОИ СЕ СИМПТОМИТЕ НА КАРДИОВАСКУЛАРНИТЕ БОЛЕСТИ?

Важно е да се знае дека кардиоваскуларните заболувања не мора да бидат придружени со симптоми долго време, а првиот знак може да биде срцев или мозочен удар.

29. септември е Светски ден на срцето.

Симптомите на кардиоваскуларни болести се разликуваат во зависност од состојбата што ја имате и може да вклучуваат:

  1. Болка во градите, стегање во градите, притисок и нелагодност во градите
  2. Болка, слабост или трнење во нозете и/или рацете
  3. Болка или нелагодност во рацете, вратот, рамената, вилицата и грбот
  4. Краток здив
  5. Брзо заморување во текот на вежбање или други активности
  6. Промени во срцевиот ритам
  7. Многу брзи или бавни отчукувања на срцето, срцебиење
  8. Вртоглавица, зашеметеност или несвестица
  9. Слабост или замор
  10. Отекување на рацете, нозете, зглобовите или стапалата
  11. Треска
  12. Осип на кожата или необични дамки
  13. Сува или упорна кашлица

Симптомите на срцев удар кај мажите се најчесто интензивна болка во градите, болка во левата рака или вилица и отежнато дишење. Иако жените може да имаат некои од истите симптоми, нивната болка е почесто дифузна, се шири на рамената, вратот, рацете, стомакот и грбот. Жените може да почувствуваат болка што повеќе наликува на дигестивни пречки и болка која можеби нема да е постојана. Можно е и отсуство на болка, но може да се појави необјаснива вознемиреност, гадење, вртоглавица, срцебиење и ладна пот. На срцев удар кај жените може да му претходи необјаснет замор. Жените исто така почесто имаат потешки први срцеви удари кои што почесто доведуваат до смрт, во споредба со мажите.

Ако почувствувате болка во градите, отежнато дишење и/или несвестица, веднаш побарајте итна медицинска помош. Секогаш треба да се јавите на бројот за итни случаи на вашата земја ако мислите дека можеби имате срцев удар.

Кардиоваскуларните заболувања, вклучително и срцевите заболувања, полесно се лекуваат доколку се откријат рано. Ако сте загрижени за здравјето на вашето срце, разговарајте со вашиот лекар за чекорите што можете да ги преземете за да го намалите ризикот од срцеви заболувања, особено ако имате семејна историја на срцеви заболувања.

Повеќе на оваа тема прочитајте: