Овие симптоми на ковид може да создаваат проблеми и неколку месеци по инфекцијата

Инфекцијата, која често почнува како респираторен проблем, понекогаш остава траги за органите како срце, бубрези, бели дробови, па дури и желудникот.

Ефектот на КОВИД-19 е исцрпувачки за човечкото тело. Инфекцијата, која често почнува како респираторен проблем, понекогаш остава траги за органите како срце, бубрези, бели дробови, па дури и желудникот. Се задржува со недели, а кај некои, за жал и со месеци и години откако ќе помине пропишаниот тек на инфекцијата.

Кои се симптомите кои се задржуваат подолго од самата зараза?

ЗАМОР

Скоро секој поединец кој имал ковид инфекција минува низ долготрајна фаза на замор. Инфекцијата го исцрпува поединецот, а понекогаш дури и извршувањето на секојдневните задачи изгледа како проблем. Светската здравствена организација (СЗО) го наведува заморот како една од главните здравствени компликации по инфекцијата со ковид.

НЕВРОПСИХИЈАТРИСКИ ПРОБЛЕМИ

За влијанието на ковид врз невропсихијатриското здравје помалку се зборува. Меѓутоа, невропсихијатриските симптоми како што се главоболка, нарушување вниманието и несоница често се забележуваат кај пациентите по закрепнување од инфекција.

БЕЛИ ДРОБОВИ

Компликации како воспаленија на белите дробови исто така чести. Експертите од Институтот Џон Хопкинс велат дека ковид може да предизвика пневмонија и, во најтешките случаи, акутен респираторен дистрес синдром или АРДС.

Стручњаците велат дека поновите варијанти на коронавирусот може да предизвикаат и повеќе болести на дишните патишта како што е бронхитис, кои би можеле да бидат доволно тешки за да налагаат хоспитализација.

ДИГЕСТИВНИ ПРОБЛЕМИ

Неколку симптоми на ковид се поврзани со дигестивниот систем. Симптомите како што се болки во стомакот и губење на апетит се поврзани со КОВИД-19 уште од почетокот на пандемијата.

Со оглед на големиот број случаи во кои симптомите поврзани со желудникот се забележани кај пациенти со ковид, може да се каже дека неретко дигестивните проблеми се заштитен знак на болеста.

ОСИП

Иако стапката на инциденца е помала, студиите утврдиле врска помеѓу осипот на кожа и ковид. Лицата со необјаснет осип на кожата дефинитивно може да го сметаат како знак на ковид.

Вообичаени типови на кожен осип забележани за време на инфекцијата се егзема во близина на вратот и градниот кош, орален осип, папуларен и везикуларен осип, пурпурен или васкулитис осип, уртикаријален осип и вирусен егзантем.