Емоционалниот стрес е навистина сериозен доколку трае долго време и во таква ситуација може да се манифестира физички на различни начини. Ова се само некои од јасните знаци дека сте под стрес.
Недостаток на енергија – стресот не само што влијае на умот, туку влијае и на телото. Придонесува за лачење на хормонот на стресот, кортизол кој ја одзема енергијата и не прави постојано уморни. Освен тоа, оваа состојба носи и забрзано дишење и брзо чукање на срцето. Резултатот е голем замор и летаргичност. Доколку не се преземе нешто, може да влијае и на сонот, односно да доведе до несоница или појава на лоши соништа.
Лоша исхрана – самото лачење коритизол го зголемува апетитот и придонесува за неконтролирана желба за храна.
Пад на имунитетот – долгорочниот стрес придонесува за ослободување на кортизол во крвотокот што негативно влијае на многу функции во телото, вклучувајќи го и имунолошкиот систем.
Главоболка – доколку често ве боли главата, а немате проблеми со мигрена, тогаш тоа е предизвикано од долгорочниот стрес.
