Овој симптом не треба да го игнорирате: Еве на кој проблем укажуваат подочниците!

Иако се смета дека подочниците се резултат на недоволен сон и неуреден живот, тие всушност често укажуваат на постоење на други тегоби со кои се соочува организмот.

Преголема консумација на кофеин, газирани и енергетски напитоци или алкохол во комбинација со преголемо потење и недоволен внес на вода може да резултира со дехидратација заради која кожата под очите станува тенка, вреќеста и потемнета.

Затоа кафето или чајот заменете ги со растителни чаеви без теин и дневно пијте околу два литри вода, како и сокови од овошје и зеленчук.

Црниот дроб има витална улога во неутрализирањето на токсините, овозможува нивно сигурно отстранување од организмот низ цревата, белите дробови, кожата и бубрезите. Ако функцијата на црниот дроб на кој било начин е компромитирана, тоа неповолно влијае на процесот на детоксикација, па токсините ќе почнат да се таложат во телото.

Темните подочници и кафеавите дамки по кожата се вообичаени знаци на дисбаланс на црниот дроб

Тоа поттикнува зголемување на производството на слободни радикали кои ги оштетуваат ткивата, вклучително и клетките на кожата, па темните подочници и кафеавите дамки по кожата се вообичаени знаци на дисбаланс на црниот дроб.