Паметна четка за заби ќе детектира проблеми со срцето

Четката собира податоци од плунката и точно ги детектира промените во организмот кои укажуваат на потенцијална срцева слабост

Шпанските научници работат на развој на паметна четка за заби, која ќе биде во состојба да детектира рани знаци на одредени здравствени проблеми и конечно, да спречи предвремена смрт од срцеви болести, пишуваат британските медиуми.

Тие развија паметна четка за заби која собира податоци од плунката и точно ги детектира промените во организмот кои укажуваат на потенцијална срцева слабост.

Кардиологот Алваро Марко дел Кастиљо, кој работи со тим од научници на изработка на таква четка за „Тајмс“ изјави: „Со информациите за бројот на срцевите отчукувања, крвен притисок и со биолошки примероци од плунката ќе биде можно да се спречи развојот на опасни болести и да им се помогне на пациентите да водат сметка за своето здравје.“

Дел Кастиљо верува дека новата паметна четкичка за заби може да детектира опасност од потенцијално затајување на срцето и да го охрабри нејзиниот сопственик, доколку е потребно, да се консултира со доктор.

Шпанскиот доктор и неговите колеги се убедени дека ако нивниот изум заживее, употребата на такви модерни четки за заби ќе стане рутинска метода, благодарение на која секојдневно ќе може да се добијат важни информации за здравјето на поединецот.

Симптомите на можен срцев удар вклучуваат чувство на мачнина, ладна пот и поспаност. Кај мажите најчестиот знак е болка во пределот на градниот кош, додека жените често имаат симптоми на краток здив, мачнина…