ПЕТ клучни чекори кои спречуваат мозочен удар

Имено, до 80 проценти од мозочните удар може да се спречат со усвојување на здрави животни навики и држење под контрола на ризик факторите за мозочен удар, истакнуваат стручњаците.

Единствената добра работа која може да се каже за мозочните удари е дека може да се избегнат. Имено, до 80 проценти од мозочните удар може да се спречат со усвојување на здрави животни навики и држење под контрола на ризик факторите за мозочен удар, истакнуваат стручњаците.

Според мислењето на стручњаците објавено во American Heart Association News, ова се петте клучни чекори за спречување на мозочен удар:

  • Престанете да пушите

Студиите укажуваат дека на секои пет цигари што лицето ги пуши секој ден, ризикот од мозочен удар расте за 12 проценти. На многумина им е познато дека пушењето предизвикува рак на бели дробови, но не се свесни дека истовремено ги оштетува крвните садови и мозокот.

  • Бидете активни

Активните лица имаат за 25 до 30 проценти помал ризик од мозочен удар во однос на лицата кои не се активни. Докажано е дека телесната активност го намалува и нивото на холестерол, помага во одржување на здрава телесна тежина и го намалува крвниот притисок.

  • Држете го крвниот притисок под контрола

Високиот крвен притисок или хипертензијата е водечка причина за мозочен удар. Пушење, дијабетес, дебелина, покачен холестерол и нездрав начин на исхрана може да делуваат на зголемување на крвниот притисок.

  • Хранете се здраво

Познато е дека здравата исхрана, како медитеранската која се карактеризира со консумирање на поголема количина на овошје, зеленчук, млечни производи со помалку масти, интегрални житарки и јаткасти плодови, го намалува ризикот од мозочен удар.

  • Почнете навреме

Се смета дека со усвојување на здрави животни навики треба да се почне во што помлада животна доба. Имено, треба да имате предвид, дека од 10 до 15 проценти од мозочните удари се случуваат на возраст од 50 или помалку години.

Неодамнешни истражувања покажуваат дека истите ризик фактори кои предизвикуваат мозочни удари кај повозрасните лица – како висок крвен притисок, висок холестерол, дебелина и дијабетес – предизвикуваат мозочни удари и кај млади возрасни лица.