ПЕТ СИМПТОМИ КОИ УКАЖУВААТ ДЕКА ИМАТЕ НЕКАКОВ ПРОБЛЕМ СО СРЦЕТО: Кога не смеете да ја игнорирате ненадејната кашлица?

ПЕТ СИМПТОМИ КОИ УКАЖУВААТ ДЕКА ИМАТЕ НЕКАКОВ ПРОБЛЕМ СО СРЦЕТО: Кога не смеете да ја игнорирате ненадејната кашлица?

Се обидувате физички да се активнирате, да почнете со вежбање, пешачење или трчање, но по само кусо време се задишувате и ви станува многу тешко? Ви се јавува ли оток на непцата или пак забележувате дека на нозете немате влакна како порано? Сите овие навидум безопасни знаци може да укажуваат на одредени срцеви заболувања и проблеми со крвните садови.

  • Брзо се заморувате при физичка активност

Вообичаено трчате 3-5 км дневно, но одеднаш тоа веќе не го можете, бидејќи ве ве фаќа замор сличен на оној како кога имате грип? Ова би можело да биде јасен знак дека вашето срце не пумпа доволно крв во телото. Доколку и по квалитетен одмор и окрепувачки сон и понатаму чувствувате ист замор, веднаш посетете го својот матичен лекар.

  • Имате проблем со ерекцијата

Еректилната дисфункција е еден од вообичаените сигнали дека нешто со срцето не е како што треба да биде. Анксиозност, депресија и стрес исто така може да предизвикаат потешкотии во сексуалниот живот, но не треба да се занемари фактот дека можеби се работи за запушување на срцевите артерии што спречува крвта да стигне до пенисот. Васкуларната еректилна дисфункција е најчестиот тип на сексуална дисфункција и обично ја предизвикува една од овие две болести: атеросклероза или ендотелијална дисфункција. Атеросклерозата предизвикува окрутување и стеснување на артериите што доведува до срцев и мозочен удар. Ендотелијалната дисфункција оневозможува крвните садови да се опуштат колку што е потребно, а тоа го намалува протокот на крв низ телото.

Симптомите на пореметување на ерекцијата често се појавуваат две години пред да се јават останатите симптоми на болести на срцето, поради што нудат шанса за рана интервенција и стопирање на срцевите болести во самиот почеток на развој.

  • Изненадна кашлица која со недели не поминува

Не дозволувајте долготрајната кашлица да ве прелаже на начин да помислите дека имате лоша настинка. Доколку вообичаените лекови против кашлица не помагаат, тоа би можело да биде знак дека имате проблем со срцето.

Понекогаш во белите дробови се насобира течност од конгестивното затајување на срцето, што може да предизвика свирење на градите и кашлица кои потсетуваат на астма или некоја друга болест на белите дробови, а всушност во прашање е срцето. Нездраво срце може да биде виновник за хронична опструктивна белодробна болест, сериозна состојба која до крајни граници го отежнува дишењето на пациентот.

  • Губење на влакната на нозете

Нозе без влакна може да бидат знак дека крвните садови  се стеснати, поради што е оневозможен нормален проток на крвта. Тоа може да предизвика ослабена циркулација и да оневозможи нормален раст на влакната на тоа подрачје.

Општо, периферната артериска болест предизвикува губење на косата или забавен раст на влакната на нозете, поради што се препорачува посета на лекар кој може да одреди терапија.

  • Отечени непца

Лицата со болести на непцата често страдаат од отоци на непцата предизвикани од воспаление, а воспалението во телото може да доведе до зголемен ризик од срцев удар. Лицата кои боелдуваат од парадентоза, всушност боелдуваат од тешка форма на воспаление, а тоа воспаление може да покрене воспалителни процеси било каде во телото.