Колоните на патиштата и неподносливата жештина се почеток и крај на летните годишни одмори. Кога температурата и влагата во воздухот растат, патниците во автомобилот (или автобус) – особено децата, повозрасните лица, лицата со хронични медицински состојби и оние со прекумерна телесна тежина – се под зголемен ризик од топлотен удар. И млади и здрави лица може да бидат во опасност доколку се најдат во екстремни услови, како повеќечасовен сообраќаен метеж.
Топлотниот удар се случува во моментот кога телото повеќе не е во состојба да ја регулира сопствената температура. Таа тогаш брзо и нагло расте, механизмот кој го регулира потењето не функционира како што треба и телото не може да се олади.
ПОДГОТОВКИ ЗА ПАТ
- На пат тргнете наспани и доморени, оти жештината и метежот ги исцрпуваат шоферите, а ненаспиеноста дополнително ја зголемува нервозата и општата лоша состојба на организмот.
- Погрижете се во текот на патувањето на располагање да имате доволно течности, најдобро вода. Пијте 1 до 2 чаши вода на секој час да останете хидрирани.
- Не пијте ладна вода, ниту сокови кои во себе содржат многу шеќери
- За време на патувањето избегнувајте тешка храна која може да предизвика мачнини и повраќање, оти така се зголемува ризикот од дехидрација.
- Облечете тенка памучна облека која во контакт со потењето нема да предизвика реакција на кожата.
Не заборавајте!
- Топлотниот удар може да ве погоди и кога надвор не е топло
- Топлотниот удар може да ве погоди и ако автомобилот сте го паркирале во ладовина
- Топлотниот удар може да ве погоди и ако прозорите на автомобилот се отворени
