Пет совети за здрав сон оваа есен

Променливото есенско време може да донесе сериозни проблеми со сонот. Како да се справите со нив, за бидете добро одморени наутро? Ова се совети кои можат да ви помогнат да го избегнете есенскиот замор.

Смената на сезони секогаш се одразува на организмот, независно дали го чувствуваме тоа или не. Ова е особено изразено за време на есента, кога почнуваме да се радуваме на се помалите периоди на сонце. Тоа се одразува на нашиот циркадијален ритам (билошки часовник).

Оваа сезонска промена се одразува на енергичноста, на расположението, на здравствената состојба и, секако, на сонот. Сонот е клучен за тоа секојдневието да ви поминува нормално и балансирано.

Здрав оброк пред спиење

Да, јадењето доцна навечер е штетно за телесната тежина, но внесот на храна помага да се зголемеи телесната темпертура на телото, а тоа го олесува заспивањето. Друга, поздрава варијатна е да се испие шолја чај или топло млеко пред легнување во кревет.

Движете се

Добро познатиот совет за физичка активност важи и во овој случај. Најдете време за прошетка, радувајте се на последните сончеви денови и пешачете. Доколку оваа варијанта не е ваш фаворит, тогаш правете вежби дома и на тој начин ќе си обезбедите здрав ноќен сон преку цела есен.

Искористете го сонцето

Сончевата светлина ефикасно влијае на биолошкиот часовник, затоа е важно да поминувате доволно време надвор, дури и за време на поладните есенски денови.

Не ја затоплувајте  премногу спалната соба

Често исплашени од наглото заладување за време на есента по летните горештини, брзаме да вклучиме затоплување насекаде. Високата собна температура е најголемиот непријател на ноќниот сон. Обидете се да одржувате температура од околу 20 степени Целзиусови во спалната соба, редовно проветрувајте и не користете никаква технологија пред заспивање.

Направете си план

Ако смената на сезоните ви се одразвува на сонот, обидете се да се придржувате кон одреден план за спиење, без да правите исклучоци. Легнувајте си во определно време и обезбедете си сон меѓу седум и девет часа. Не се изненадувајте ако ви треба повеќе време за спиење, бидејќи е нормално при променливото есенско време.