Иако КОВИД-19 е респираторна болест, може да предизвика и нива други симптоми освен респираторни. Некои од нив се осип, главоболки, болки во мускулите и други.
Според студија објавена во списанието British Journal of Dermatology, 8,8% од сите оние кои биле позитивни во студијата спроведена на 11.544 лица, развиле некои видови на кожни проблеми. Еве на кои се начини КОВИД-19 може да се манифестира на кожата.
- ПРОМЕНИ НА ПРСТИТЕ
Промените на прстите, како црвени и виолетови испакнатини, може да укажуваат на КОВИД-19. Станува збор за состојба која почесто се јавува во текот на постудените месеци, но во случај на КОВИД-19 може да се појави во секое време од годината.
На прстите на рацете и нозете може да се појават и јазли, а прстите може да бидат отечени. Но, овие промени не предизвикуваат иритација. Со тек на времето, горниот слој на кожата почнува да се лупи, а делот под тоа може да стане лушпест.
- ЕГЗЕМА
Егземата е воспалителна состојба поради која кожата е воспалена, испукана, груба и чеша. Егземата може да се појави за време на заразата или по инфекцијата и обично може да трае неколку дена.
- ПЛИКОВИ (МЕУРЧИЊА)
Меурчињата се појавуваат ненадејно, а се работи за црвени испакнатини кои чешаат, а кои се резултат на реакција на кожата. Јазолчињата се со различни големини и доаѓаат и поминуваат од одвреме-навреме.
Пликовите може да се појават на кој било дел од телото, вклучувајќи ги бутовите, грбот и лицето. Според истражувачите, оваа состојба на кожата се јавува доста рано за време на инфекцијата и може да трае долго време. Ако меурчињата се појавуваат и по шест недели, овој кожен проблем се смета за хроничен.
- ОРАЛЕН ОСИП
Оралниот осип, исто така познат и како енантем, е уште еден знак на КОВИД-19. Овој вид на осип се појавува на усните поради што тие стануваат суви и се лупат. Во некои случаи може да се јават и болки во усните.
- PITYRIASIS ROSEA
Pityriasis rosea е воспалителна болест која се манифестира со дифузни лушпести папули или плакови (наслаги). Во прашање е бенигнен осип кој најчесто почнува со појава на големи кружни или овално дамки на градите, стомакот или грбот. Оваа состојба обичено ја предизвикува вирусна инфекција, а може да се јави околу 4-5 дена пред останатите симптоми.
