Иако е неблагодарно да се прогнозира преживувањето на малигните болести, најголемата стапка на преживување во период од 5 години после дијагнозата се однесува на пет видови рак. Оваа стапка се однесува првенствено на заболувањата кои лекарите ги дијагностицирале во рана фаза, што повторно ни потврдува колку превентивните тестови и редовни прегледи се значајни!
Рак на дојка
Ако се открие во рана фаза (самиот почеток или стадиум 1) стапката на преживување во рок од 5 години изнесува 99 до 100 %, затоа што лекарите можат да изолираат рак и да го лекуваат пред да напредува.
Рак на простата
Во 99 отсто од случаите ракот на простата спаѓа во заболувања со висока стапка на преживување во рок од 5 години по дијагнозата, ако е откриен во стадиум 1 или 2.
Рак на тестиси
Стапката на преживување е висока и изнесува 99 отсто за локализираните тумори, а 96 отсто за оние кои се прошириле на околните ткива. Во рана фаза од болеста лекарите може да отстранат тестис за да дојде до целосно излекување, што е ефективен начин начин на лекување освен ако ракот веќе не се проширил.
Рак на штитна жлезда
Стапката на преживување кај заболените од рак на штитната жлезда е во 98 до 100 отсто во стадиумот 1 или 2. Често овој вид рак се развива полека, што дава повеќе време за лекување.
Меланом
Раното откривање на меланомот ја зголемува шансата за преживување во период од 5 години и изнесува околу 95 проценти. Со оглед на тоа дека ова е видлив облик на рак често се открива навреме во стадиумите 1А и 1Б.
